سوف تنتخب من؟؟؟؟؟

السلام عليكم ورحمة الله وبركاته

في ظل الحمله الاعلاميه الفضيعه والمخيفه في نفس الوقت لما تحمل من شعارات رنانه واهازيج تهز الارض نرى بعض الناس تائهه في وسط هذه الحمله تحتار تنتخب من او بالاحره لحد الان لم تفكر بأي شخص ما وها نحن نعيش هذه الايام والوفود التي قدمت الى البصره من باقي المحافظات كي تروج لصالح قوائمهم ...سؤال يطرح نفسه اين كنتم من حال البصره قبل موعد الانتخابات لماذا لو تقدمو الى البصره وتعيشوا همومها ومأسيها لكن لا اعتقد الناس قد نسوا ماذا جره لهم ازاء من حكمهم في الفتره السابقه وكيف سرقت امولهم في وضح النهار وكيف سرقت فرص العمل لأبنائهم
يااااااااا ناااااااااااااااااااااااااس يا عااااااااااااااااااااااااااااااااااالم احنه ما منطين الانتخابات حقه بالمنتدى لازم نثقف على الانتخابات بالاتجاه الصحيح ليش هذا الاهمال ناس دكول ما انتخب وناس دكول انتخب فلان وعلاان وبهاي الطريقه الاصوات راح تشتت وراح تصعد ناس ما يستحقون هذا المنصب بواسطة التزوير تره هاي اخر فرصه النه لازم نختار الافضل علمود ينهضون بواقع البصره المرير

لازم نتخب ناس من صدك يكون ابن البصره يعني بين قوسين( مو دخلاء على البصره) اكو ناس مندسه بالانتخابات يردون مصالحهم وبس ما يفكرن بالمصلحه العامه

ولكم لاتنسووووووووووووووووووووووون حر الصيف وضيم الكهرباء شوفو خلو الانتخابات بهيج وقت لان الجو بارد والله لو بالصيف جان محد انتخب لان الناس ميته حر

قربت الانتخابات ويومه واحد جاي للبصره وحتى بجيته هم يضرنه الشوارع تنكطع ويصير ازدحام والبصره تدخل انذار وياريت يسوه حتى الشوارع تنكطع علموده

على العموم اللوعه جبيره وما اريد اطيل عليكم لان لو نحجي للصبح هم ما نوفي

اتمنى تكون الانتخابات نزيهه وبدون تزوير ومن الله التوفيق ويارب عراق امن مستقر ومزدهر